-
Happy Father’s Day | Hindi Video | Aakash Joshi
Happy Fathers Day Video
On this Fathers Day, let’s try to recall all the love, care and affection of our father; which we forgot to appreciate back then.
Let us remember how all our wishes and dream were fulfilled by one person; Our Father, who did all this without even saying a single word to us.
He toiled hard behind the screen to present us with a beautiful picture of life.
We always remember the love and emotions which our mother bestowed on us; with her tears and smiles, but what we miss was the emotion and love behind the tough face of our father.
Papa !! Hum bhul gaye is a Hindi poetry. It highlights all the love which we missed to appreciate during all the growing years to our father
Facebook: https://www.facebook.com/ramtajogi20
Instagram: https://www.instagram.com/ramtajogi20
For more poetry, @ Ramta Jogi Poetry
Happy Fathers Day Video
SUBSCRIBE TO THIS CHANNEL HERE: https://www.youtube.com/AakashJoshi
Background Music: iMovie / GarageBand
#HappyFathersDay 20th June 2020 #Fathersday2020
Happy Father’s Day | Hindi Video | Aakash Joshi -
Happy Fathers Day | Hindi Poetry
Happy Fathers Day | Hindi Poetry
Badhte badhte rahon mein,
Kuch yaadein yaad aai,
Kaise hume hamesha yaad rahi humari Maa?
Kaise hum bhul gaye unko hain hum jinki parchai?
Maa ka vo khana khilana to yaad raha,
Papa ke paison se vo ghar chalana magar bhul gaye
Maa ka vo saath khelna to yaad raha,
Papa ka vo khilone dilwana bhul gaye
Maa ka bukhar mein dawa khilana to yaad raha,
Papa ka vo raat bhar ghumkar, godh mein sulana bhul gaye
Maa ka vo galat harkat pe papa se bachana to yaad raha,
Papa ka vo sahi kaam pe, peeth thapthapana, bhul gaye
Maa ka vo har baat pe inkaar karna to yaad raha,
Papa ka har ek khwaaish pe ikraar karna bhul gaye hai
Ghar se dur jate hue,
Maa ka vo aansu bahana to yaad raha,
Papa ka vo dil se bhavuk ho jaana magar bhul gaye
Papa se “maa kaha hai” vo puchna to yaad raha,
Magar maa se “papa kaha hai” vo kab pucha tha vo bhul gaye hai
…..
Bachpan se jawani tak,
Maa ka vo har ek dulaar yaad hai
Magar Papa ke vo har ek pyaar bhul gaye hai.
Vo jinhone hume apna sapna banaya hai,
Humare sapnon ko apni aankhon mein sajaya ,
Ghar aate hi pehle pucha humare baarein mein,
Khaana khane se pehle socha humare bare mein
Humare jivan ki naiya ke maanjhi hai vo,
Humari zindagi unki wajah se bani hai
Apne aap ki khushiyon ko bhula hai unhone,
Humare chehre pe hasi unhi ki wajah se saji hai
Ajnabi nai the kabhi hum unke pyaar se,
Ha !! Bas thode bahot naadan the,
Unke apnepan se hum,
Bas thoda anjaan the
Aaj,
Yaad aai unki baatein,
Unki yaadein yaad aai,
Sang bitai thi jo khati meethi shararatein,
Vo shararatein yaad aai,
Nai bhule kabhi hum unhe,
Na hi kabhi unhone hume pyaar ki kami karai hai
Hume to humesha Apni shakshiyat main
Unki hi ki chavi nazar aai hai
@ramta jogi
*********************************
Happy Fathers Day | Hindi Poetry Blog
Connect to us @
For more poetry, @ Ramta Jogi Poetry
-
Itvaar(Sunday) | Hindi Poetry
Itvaar(Sunday) | Hindi Poetry
Pehle jaisa ab vo ITVAAR nai ata,
Sukun ki bhoor ka ab vo dedaar nai ata.
Ek waqt tha jab kisi ki Hasi se ruh khilti thi,
Milke use, rab ki inaayat milti thi,
Waqt rukh jata tha us chehre ke deedaar mein,
Sadiyaan beet jati thi, us chehre ke pyaar mein,
Aaj bhi khoobsurat chehron ka deedaar ho jata hai,
Man behlane ka, hasne gaane ka, karoobaar ho jata hai,
Par pehle jesa ab kisi pe vo kisi pe pyaar nai ata,
Pehle jesa ab vo ITVAAR nai ata.
Vo dil se apnana aur zubaan se galiyana aur tha,
Vo apno ka afsaana, vo dosti ka zamana aur tha,
Dil se milte the dil,yaaron ka yaarana khilta tha,
Kitne bhi ho jayein bade,
Sukun us bachpane ki yaari mein hi milta tha,
Dilon ke dard sang batiyaye jate the,
Khushi ke pal sang kaate jate the,
Ek duje ke liye na kisi ke man mein paap tha,
Ek duje ke liye, har ek ka man aine ki tarah saaf tha,
Aaj bhi jab jaam se jaam takrate hai,
Nashe mein naye yaar zarur ban jate hai,
Dosti bhi hoti hai, Mauj masti bhi hoti hai,
Par pehle jesi yaari ki tarah,
kinhi yaaron pe ab vo aitbaar nai ata,
Pehle jesa ab vo ITVAAR nai ata.
Na ab vo pehle jesi subah rahi hai,
Aur Na vo pehle jesi shaam rahi,
Na hi Jo ati thi Chehron pe un Dino,
Vo pyaari si sachi muskaan rahi,
Sabke saath chalte chalte hum kho jate hai,
Din dhalne ke saath, andhere mein so jate hai,
Maujhon ke sahaare se maanjhi kinaare se mil jata hai,
Par kinaare pe ab vo pehle jesa khushiyon ka manzar nazar nai ata.
Pehle jesa ab vo ITVAAR nai ata
@रमता जोगी।
*********************************
Connect to us @
For more poetry, @ Ramta Jogi Poetry
-
Batiyaan | Hindi Poetry
Batiyaan | Hindi Poetry
Hum ab pehle jaise batiyaate nahin hai,
Samajte to hai sab kuch, ek dusre ko samjate nahin hai.
Lab khulne se pehle, kap kapa rahe hai,
Shabd nikalne se pehle, soche ja rahe hai,
Rooh ne Aahaton ko pehchan na ab band kar diya hai,
Bin kuch kahe hi samaj jana, ab band kar diya hai
Chehron ki shikan bahot kuch kehna to chahti hai,
Par hum un-awaazon ko ab sun na chahte nahin hai,
Hum ab pehle jese batiyate nahin hai.
Ek dusre ko humne, ab ek khyaal banake rakha hai
Yaadon ka apne dilon mein, ek mahal saja ke rakha hai.
Vo mehal, jo humari nadaniyon, bachkani shararaton se bhara hai,
Vo, jo humari, umeedon, aashaon aur jasbaton se bhara hai,
Band kamre vo kal ke hume aaj bhi apni ore bulate hai,
Par yaadon ke un kamron mein, ab hum jana chahte nahin hai
Hum ab pehle jese batiyate nahin hai.
Rahon pe, raaste kabhi fir takrayenge,
Kal hoga jab samne, dekh use aankhon mein aansu bhi aayenge,
Tab, sab gile shikve bhulakar hum us pal ko apnayenge,
Muskaayenge do pal sangh unke,
Fir khushi se apne kafile mein vapas sharik ho jayenge
Par ye soch, in khayaalon pe, ab hum itraate nahin hai,
Umeedon ke in raston pe ab hum jaate nahin hai,
Hum ab pehle jese batiyate nahin hai.
@ramta jogi
*********************************
Batiyaan | Hindi Poetry
Connect to us @
For more poetry, @ Ramta Jogi Poetry
-
E Maa Suno Na | Hindi Poetry
E Maa Suno Na | Hindi Poetry
E maa !! Suno na,
Mein ab apne aap ko sambhalne laga hun.
Sapno mein bhatakta rehta tha, jo mein,
Ab sach ki duniya mein khudko dhaalne laga hun.
E maa !! Suno na,
Mein ab apne aap ko sambhalne laga hun.
Apna bistar, mein ab khud hi banata hun,
Subah bin aapke jagaye, mein khud hi jaag jata hun,
Khane mein aana- kaani meine ab kum kardi hai,
Karele, gobi aur mattar se jung, mene ab band kardi hai,
Jo milta hai, vo sab, ab mein khaane laga hun,
E maa !! Suno na,
Mein ab apne aap ko sambhalne laga hun.
Mein Kapdon ki almaari, ab jamake rakhne laga hun,
Vo kal ki pehni kameez ko, aaj dhokar rakhne laga hun,
Bina aapki daant ke bhi mera kamra ab saaf rehta hai,
Vo har ek saamaan mera, ab mujhse haske baat karta hai,
Bukhaar mein bhi, ab mein khud ka dhyaan rakh hi leta hun,
Nakhre kiye bina, ab dawai bhi le hi leta hun,
Har khaansi pe apki yaad to ati hai, aapke na hone ka dard bhi satata hai,
Par dhere dhere mein ab khud ko manane lag gaya hun,
Mein apni hi nazroon ab uncha ane laga hun,
E maa !! Suno na,
Mein ab apne aap ko sambhalne laga hun.
Apne gusse ko hasi ke piche chhipana sikh gaya hun,
Apno ko sanjoke rakhna, geron ko apna-na sikh gaya hun,
Ankein ab akele pan mein hi nam hoti hai,
Logon ke samne ek hasi hi bas sab kuch kehti hai,
Us kal ki yaad to bahot ati hai,
Us se dur hone ka dukh bhi hota hai,
Par jaan kar bhi ab un saari yaadon se mein anjaan ban ne laga hun,
Chahta tha mera kal jise,
Aaj mein vesa insaan ban ne laga hun,
E maa !! Suno na,
Mein ab apne aap ko sambhalne laga hun.
@ramta jogi
*********************************
E Maa !! Suno Na | Hindi Poetry
Connect to us @
For more poetry, @ Ramta Jogi Poetry
