-
Chehre |Hindi Poetry
Chehre | Hindi Poetry
Kuch to baat hogi unme,
Vo chehre zarur khas honge,
Mile na, jo humse,
Unme zarur vo ehsaas honge
Vo humse behtar batiyate honge,
Kisse kahaniyan sunate honge,
Aankhon mein apni vo,
Tumhe ishq dikhate honge
Jis saadgi se chhaha humne tumhe,
Use vo behtar darshate honge,
Kuch to baat hogi unme,
Vo chehre zarur khas honge,
Unhe tumhe samajna aya hoga,
Anusar tumhaare unhe dhalna aya hoga,
Nami tumhaari mehsus to hume bhi hua karti thi,
Unhone aage badhke hausla dilaya hoga,
Tum zarurat ho unki,
Yeh alfaz kafi baar sunaye honge
Kuch to baat hogi unme,
Vo chehre zarur khas honge,
Baatein humne bhi ki thi,
Nami tumhaari, hume bhi khali thi,
Chehre pe hasi, humne bhi khilayi thi,
Tumhe apni zarurat, humne bhi batayi thi,
Par kuch to chhahat thi tumhaari bhi,
Jis se hum dur rahe,
Nain tiki un chehron pe,
Jin me hum be-noor rahe,
Ishq bhi hua tumhne jin apno se,
Vo zarur surele saaz honge
Kuch to baat hogi unme,
Vo chehre zarur khas honge,
@ramta jogi
Chehre | Hindi Poetry
*********************************
Connect to us @
For more poetry, @ Ramta Jogi Poetry
-
कश्मकश |Hindi Poetry
कश्मकश | Hindi Poetry
Bhula nai mein use
Ab bas yaad nahi karta !!
Un lamhon ko fir jeene ki,
Ab fariyaad nahi karta.
Jab uski hasi ki kami khalti hai,
Hasi ke naye beej bo deta hun,
Mayus hota hun, yaadon mein jab,
To panno par hi ro deta hun,
Uski aadat to hai jeenme aaj bhi mere,
Par zehen mein use ab mehsus nahi karta,
Bhula nai mein use,
Ab bas yaad nahi karta !!
Uska khayal jab ata hai,
Unhe khayalon mein kho deta hun,
Jab puchta hai vo sawal mujhse,
To use jawaabon ko saup deta hun,
Dikhta nahi kahin vo mujhe ab,
Na hi ab main use milne ki ummed hu rakhta,
Bhula nai mein use
Ab bas yaad nahi karta !!
Vo jo tha nahi mera, use khone ka gham kya,
Jo likhi gai thi kisson mein,
Us kahaani ka hota hi ant kya?
Mila jo rahon mein, vo rahoon mein hi choot gaya,
Chauhrahe pe kahin, vo alag raston pe mud gaya,
Vo dekh piche de gaya, ek muskaan,
Rakta hun use apne seene mein, par uske ab khwaab nahi dharta,
Bhula nai mein use
Ab bas yaad nahi karta !!
कश्मकश | Hindi Poetry
@ramta jogi
*********************************
Connect to us @
For more poetry, @ Ramta Jogi Poetry
-
Bachpan | Hindi Poetry
Bachpan | Hindi Poetry
Vo sham ko ghar lautna, ek sukoon tha,
Ghar pauchkar khelne jana, ek junoon tha
Piche se maa nashta khilane ko daant rehti,
Hum to bagiche ki aur bhaagte rehte ,
Pure din ki thaakan gayaab si hojati thi,
Sari takleefiyen us khel mein kho jati thi,
Thake hare ate ghar jab,
Garam pani aur tauliya taiyaar milta tha,
Nahate hi, maa ka pyaar khaane mein beshumaar milta tha,
Fir TV ke saath thoodi aankh micholi hoti thi,
Papa ke ghar ate hi, apne kamre ki taraf humari dooli nikalti thi,
Kuch pal apni kitaabon ko jab dete, aankh jhapak si jaati thi,
Bin kuch soche , bin kuch samje, Bin kuch jaane, bin kuch mane,
Apne aap hi ek sukoon ki neend aajati thi
Ek sapne ki tarah , har pal sufiyana tha,
Kuch aisa hi mere bachpan ka zamana tha,
Aaj sab sukoon se dur hue bethe hai,
Apni aadaton me mashghool hue bethe hai,
Bhatak te hai tanhaah khudse,
Neend ko taraste, majboor hue bethe hai,
Yaad hai sabko vo khel kud, vo school vo tiffin,
Vo kal ke pal jo the koi soch koi samaj ke bin,
Jab jaante nahi the duniya ki samaj,
So sara samaaj hi apna tha,
Samaj ke ane se samaaj se hi dur hone lage,
Sab kaam us umr me bhi khatm hua karte the, bin jyada soche,
Jabse sochne lage, kaam adhure chutne lage,
Bachpan chood , bade hone ki zid thame the,
Bade hote hi bachpaan ye yaadon mein khone lage,
Zindagi mein aaj bade hote hote, bachpaan bhi kho bethe hai,
Par na jane kyu fir is aaj ke dar se,
khud ko us bachpane se dur kiye bethe hai?
@ramta jogi
*********************************
Childhood | English Poetry
Connect to us @
For more poetry, @ Ramta Jogi Poetry
-
Jaane Ka Waqt Aa Raha Hai | Hindi Poem
Jaane Ka Waqt Aa Raha Hai | Hindi Poem
Vo Hawaaon ki bechainyan,
Ab badhne lagi hai.
Vo roz chalte the jinpe, vo rahein,
Ab angdaiyan lene lagi hai.
Shaakhon se gire patte,Ab humse rukhe rukhe se rehte hai,
Vo roz milte the aasmanon mein udte parinde,
Ab humse dur jate rehte hai
Vo maidan pe bichi hari pattiyaan,Ab thodi kathhor si lagne lagi hai,
Vo logon ki hasi, ab kuch aur hi lagne lagi hai
Yahan ki laal deewarein,Ab hume kuch batati nahi hai,
Vo bhoor ki kirne,
Ab hume kuch samjati nahi hai,
Raat ka vo shoor,
Ab shant hone laga hai,
Tha jo kal tak apna,
Vo ab dheere dheere khone laga hai.
Na Jane kyun,Par lagta hai yun,
Ki ab jaane ka waqt aa raha hai
*********************************
Connect to us @
SUBSCRIBE us on Youtube
For more poetry, @ Ramta Jogi Poetry
-
Hindi Video Poetry | Kamra | Brother Sister bond | Youtube
Hindi Poetry | Kamra | Brother-Sister bond | Video Poetry Hindi Video Poetry Kamra
Your bond with your sister starts from the day you are born. From sharing the same room with parents to sharing all secrets, this relation just beautifies with time. On the same Brother-Sister bond is the poem KAMRA; the emotions you feel when your sister is about to get married and leave you.
Connect to us @
SUBSCRIBE us on Youtube
For more poetry, @ Ramta Jogi Poetry
Background Music: iMovie
