Poem Daughter: Beti badi ho rahi hai: New born

Poem:

Uske hilne se khanakti hai, pairon ki jhanjhar,
Vo jhanjhar bhi apna ek geet banati hai,

Vo tedha sa tika jo uske maathe par khilta hai,
Maa uski ab usko, sidha laga ti hai.

Rehti hai soyi vo, jhule meij bechain,
Apne pairon se chalne ki ab vo,
Icha jatati hai

Jati nahin vo ab,
godh mein sabke,
Maa ka chehre se hi bus,
Khil khilati hai.

Ghoor ti rehti thi,
Jo Khaane ko sabke,
Chandi ki chamach se ab Kheer khaa rahi hai,

Sunheri sihayi se,
Likhi ja rahi jo kahani uski,
Un panno ko palatne ki baari aa rahi hai.

Haathon mein uthaya tha,
6 mahine pehle jisko,
Bitya ab vo meri,
Badi hoti ja rahi hai